Shekarada qazaqstandyq azamat esirtki oralǵan túıinshekti jutyp qoıǵan
ASTANA. QazAqparat - Shekarada ustalǵan jigit esirtki oralǵan túıinshekti jutyp qoıdy, dep habarlaıdy QazAqparat QR UQK ShQ baspasóz qyzmetine silteme jasap.
«Ótken túnde Petropavl shekara otrıadyna qarasty «Mamlıýtka-temirjol» ótkizý bólimshesinde, «Qaraǵandy - Máskeý» baǵytymen júretin № 83 poıyzdy shekaralyq tekserýden ótkizý barysynda shekara jasaǵy 20 jastaǵy qazaqstandyqty ustady. Shekarashy arnaıy úıretilgen ıisshil ıttiń meńzeýimen kelip, onyń jol sómkesin teksere bastaǵan. Jigit shekarashyny ıterip jiberip, sómkeden kishigirim túıinshekti julyp alyp, lezde jutyp jibergen», - delingen habarlamada.
Baspasóz qyzmetiniń málimetinshe, keıin jigit jutyp qoıǵany 5 grammǵa jýyq marıhýana ekenin moıyndaǵan.
Ustalǵan qazaqstandyq Pavlodar qalasynyń narkologııalyq dıspanserine jetkizildi. Tekserý barysynda, dárigerler onyń budan buryn da kanabıoıdtar qabyldaǵanyn dáleldedi.
Qazir tekserý sharalary ári qaraı jalǵasýda.
