Shekarada qandaı somaǵa satyp alynǵan taýarǵa salyq salynbaıdy
ASTANA. QazAqparat - 2019 jyldyń 1 qańtarynan bastap jeke qoldanysqa arnalǵan taýarlardy elge baj salyǵynsyz alyp kirýdiń jańa normalary qoldanylady. Bul týraly Almaty qalasy boıynsha Memlekettik kirister departamentinen málim etti, dep habarlaıdy «QazAqparat» HAA.
Keler jyldyń qańtar aıynan bastap jeke qoldanysqa arnalǵan taýarlardy Qazaqstan aýmaǵyna baj salyǵynsyz alyp ótý normalary: 500 eýro jáne 25 keli. Jańa normalar avtomobıl, temirjol jáne teńiz kóligimen, sonyń ishinde «Qorǵas» Shekaramańy yntymaqtastyǵy halyqaralyq ortalyǵy arqyly kirgiziletin janynda ıesi bar jáne ıesi joq taýarlar júgine qoldanylady.
«Ornatylǵan normalar asyrylǵan jaǵdaıda, qunynan 30 paıyz mólsherlememen kedendik tólemder jasaý talap etiledi. Biraq jalpy quny jáne/nemese salmaq normasy turǵysynan ár kelisi úshin 4 eýrodan kem bolmaýy tıis», - delingen Memlekettik kirister departamentiniń habarlamasynda.
Aıta keteıik, 2018 jyldyń sońyna deıin 1500 eýrodan aspaıtyn jáne salmaǵy 50 kelige deıin bolatyn taýarlardy baj salyǵynsyz ótkizýge bolady.
