Shekarada bir shabadan kıik múıizin alyp ótpek bolǵan ózbekstandyq ustaldy
ORAL. QazAqparat - Oraldyq shekarashylar 200 mln teńge shamasyndaǵy kontrabandanyń jolyn kesti, dep habarlaıdy QazAqparat QR UQK ShQ baspasóz qyzmetine silteme jasap.
«Oral shekara otrıadynyń «Syrym-avto» bólimshesinde shekarashylar Reseıge iri kólemde kontrabandalyq júk ótkizbek bolǵan 49 jastaǵy Ózbekstan azamatyn ustady. Ustalǵan azamat «Oral - Samara» baǵytyndaǵy jolaýshylar avtobýsymen úlken shabadanda 148 dana, jańadan kesilgen kıik múıizin alyp ótpek bolǵan», delingen habarlamada.
Baspasóz qyzmetiniń málimetinshe, kontrabandalyq kıik múıiziniń jalpy quny 196,9 mln teńge dep eseptelingen.
