Shekarada balanyń jórgegine altyn salyp ótpek bolǵan áıel ustaldy
TAShKENT. QazAqparat – Ájeı nemeresiniń jórgegine altyn buıymdar salyp alyp Qazaqstanǵa aparmaq bolǵan, dep habarlaıdy «QazAqparat» HAA menshikti tilshisi.
Ózbekstan Respýblıkasynyń Keden komıteti qymbat metaldar men tastardan jasalǵan zergerlik buıymdardy Ózbekstan Respýblıkasynyń kedendik shekarasy arqyly zańsyz ótkizý faktileri der kezinde toqtatylǵanyn aıtady.
Sonymen, 6 jeltoqsanda Tashkent oblysyndaǵy «Gıshtkýprık» shekara keden beketinde (Túrkistan oblysynyń Jibek Joly shekara joly) osyndaı quqyq buzýshylyq faktisi anyqtaldy. Atap aıtqanda, áıel altyn buıymdardy, onyń ishinde 6 alqa, 4 bilezik jáne 1 saqınany zańsyz alyp ótpek bolǵan, olardy aldyn-ala eki jasar nemeresiniń jórgekteriniń ishine jasyrǵan.
Aýyzsha suraý kezinde jarııalanbaǵan jáne anyqtalmaǵan zergerlik buıymdardyń jalpy salmaǵy 1 keli 115 gramm ekeni belgili boldy. Baǵaly metaldardyń baǵasy 334 mıllıon 500 myń somǵa (shamamen 13,5 mıllıon teńge) baǵalanyp otyr.
Qazirgi tańda atalǵan zań buzýshylyq faktisi boıynsha kedendik tekserý júrgizilýde.
Avtory Mıras Qýandyqov
