Shekarada avtobýstan jarty keli marıhýana tabyldy
ATYRAÝ. QazAqparat- Qazaqstandyq shekarashylar Atyraýdan Reseıdiń Astrahan qalasyna qatynaıtyn avtobýstan jarty keli marıhýana tapty, dep habarlaıdy QazAqparat tilshisi.
Shekarashylar esirtkini avtobýstaǵy qol júkterdi tekserý kezinde baıqaǵan.
QR UQK Shekara qyzmetiniń aqparatyna sáıkes, 13 mamyr kúni, saǵat 6.00-de kúdikti paket tabylǵan.
«Paketti ashyp qaraǵanda, marıhýanaǵa uqsas qoıý jasyl tústi ósimdik tekti zat tabylǵan. Biraq, tyıym salynǵan júk jolaýshylardyń qaısysyna tıesili ekendigin anyqtaý múmkin bolmady», - deıdi shekarashylar.
Qazirgi ýaqytta esirtkige qatysty barlyq materıaldar quqyq qorǵaý organdaryna jiberildi.
