Shekarada 645 mln teńgeden astam deklaratsııalanbaǵan valıýta anyqtaldy
ASTANA. KAZINFORM – Jambyl oblysyndaǵy «Qordaı» avtomobıl ótkizý pýnktinde shekaralyq baqylaý barysynda shetel azamatynda kıiminiń astyna jasyrylǵan 70 000 AQSh dollary (32 550 000 teńge balamasynda) anyqtaldy
UQK Shekara qyzmeti aqsha qarajatyn elden zańsyz alyp shyǵýǵa jol bermeý baǵytynda turaqty túrde jumys istep jatyr.
— Tek osy jyldyń 1-10 tamyzy aralyǵynda ótkizý pýnktterinde osyndaı 70 áreket anyqtalyp, jalpy somasy 645 mln teńgeden astam deklaratsııalanbaǵan valıýta anyqtaldy.
Jekelegen jaǵdaılardyń birinde Jambyl oblysyndaǵy «Qordaı» avtomobıl ótkizý pýnktinde shekaralyq baqylaý barysynda shetel azamatynda kıiminiń astyna jasyrylǵan 70 000 AQSh dollary (32 550 000 teńge balamasynda) anyqtaldy, — delingen UQK habarlamasynda.
Kórsetilgen faktiler boıynsha materıaldar protsessýaldyq sheshim qabyldaý úshin quzyretti organǵa berildi.
UQK Shekara qyzmeti Qazaqstan Respýblıkasynyń zańnamasynda belgilengen somadan (10 myń AQSh dollarynan aspaıtyn) joǵary qolma-qol aqsha qarajatyn respýblıka aýmaǵynan tys jerge alyp shyǵýǵa tyıym salynatynyn eske salady.
Aıta ketelik jyl basynan beri shekarada jalǵan qujatpen ótpek bolǵan 200 derek anyqtaldy.
