Shekarada 4,3 mlrd teńgeniń zańsyz taýary tárkilendi
ASTANA. KAZINFORM — UQK shekarada el zańyn buzǵan 5 281 adamdy ustady, sonyń ishinde 4 493 shetel azamaty. Bul týraly UQK habarlady.
UQK Shekara qyzmeti Memlekettik shekarany kúzetý men qorǵaýdy qamtamasyz etý aıasynda 2026 jylǵy maýsymda quzyrly organdarmen ózara árekettese otyryp:
UQK shekarada el zańyn buzǵan 5 281 adamdy ustady, sonyń ishinde 4 493 shetel azamaty.
4,3 mlrd teńge somasynda taýarlar men júkterdi shekara arqyly zańsyz ótkizýdiń 1 476 faktisiniń aldy alyndy, onyń ishinde:
32 fakti – esirtki zattary;
66 fakti – qarýlar men oq-dáriler (84 dana sýyq qarý, 44 dana oq-dári);
708 fakti – kólemi 40 tonnadan asatyn mólsherde janar-jaǵarmaı materıaldary;
489 fakti – jalpy somasy 2,1 mlrd teńgeden astam halyq tutynatyn taýarlar;
181 fakti – somasy shamamen 2,2 mlrd teńge bolatyn shetel valıýtasy.
Kaspıı akvatorııasynda brakonerlikpen aınalysýdyń 27 faktisiniń aldy alyndy, 24,7 km brakonerlik qural, sondaı-aq 94 dana (658 kg) bekire tuqymdas balyq tárkilendi.
Aldyn alǵan shyǵyn somasy 285 mln teńge. Quzyreti sheńberinde Shekara qyzmeti 50 qylmystyq is qozǵap, tergeý sharalary júrgizilip jatyr.
Sondaı-aq 36 mln teńgeden astam kólemde aıyppul salynǵan 3526 ákimshilik is óndiriste.
Qalǵan faktiler boıynsha materıaldar protsestik sheshimder qabyldanýy úshin quqyq qorǵaý jáne sot organdaryna jiberildi.
Aıta ketelik UQK Shekara qyzmeti temeki kontrabandasynyń iri partııasyn anyqtaǵan edi.
