Shekarada 250 kelige jýyq ıesiz qytaı dári-dármegi tabyldy - QR UQK
ASTANA. QazAqparat - «Qorǵas» Halyqaralyq shekaramańy yntymaqtastyǵy ortalyǵynda 4 qorap ıesiz qytaı dári-dármegi tabyldy. Bul týraly QR Ulttyq qaýipsizdik komıtetiniń shekara qyzmetinen málim etti, dep habarlaıdy QazAqparat tilshisi.
«20 qańtar kúni «Qorǵas» shekaralyq baqylaý otrıadynyń aýmaǵynda ornalasqan Halyqaralyq shekaramańy yntymaqtastyǵy ortalyǵynyń shekara kezekshiligi Qytaıda shyǵarylǵan 4 qorap dári-dármekti taýyp aldy. Jalpy salmaǵy - 94 keliden astam. Iesi anyqtalǵan joq», - delingen taratylǵan aqparatta.
Vedomstvo málimetinshe, dál osyndaı jaǵdaı eki kún buryn da oryn alǵan.
«Ol kezde shekarashylar 152 kelige jýyq ıesiz dári-dármek taýyp alǵan edi. Tabylǵan preparattar aktilenip «Altynkól» keden beketine tapsyryldy», - dedi UQK-niń Shekara qyzmetinen.
