Shekarada 200 kelige jýyq geroınmen ustaldy
ASTANA. QazAqparat - Altaı ólkesiniń quqyq qorǵaýshylary Qyrǵyzstannan 200 kelige jýyq geroın ákele jatqan júk kóligin toqtatty, dep habarlady dúısenbide Reseı FQQ óńirlik basqarmasynyń baspasóz qyzmetinen.
Quqyq qorǵaýshylar Altaı ólkesinen qazaqstandyq nómirmen Reseıdiń osy elmen aradaǵy memlekettik shekarasyn kesip ótken «KamAZ» kóligin ustady, dep habarlady RIA Novostı.
Mashınanyń tirkemesindegi alma salynǵan 48 qoraptan 959 shar tárizdes nysanda túıirshik, untaq túrinde oralǵan zat tabyldy», - delingen habarlamada. Saraptama munyń geroın ekendigin anyqtady.
Qazirgi ýaqytta tasymaldy uıymdastyrǵan úsh adam ustaldy: biri Qyrǵyzstan azamaty, ekeýi Reseı azamaty. Sondaı-aq «KamAZ» júrgizýshileri - eki qazaqstandyq azamat ta qamaýǵa alyndy. Toptyń belsendi múshesi Qyrǵyzstannan izdestirilýde.
