Shekara mańyndaǵy Qazaqstan men Reseı azamattary endi shekaradan ońaı ótedi
ASTANA. QazAqparat - Soltústik Qazaqstan men Reseıdiń shekaraǵa jaqyn aýdandarynyń turǵyndary endi shekaradan ońaı óte alady, dep habarlaıdy «QazAqparat» HAA Reseıdegi QR Elshiliginiń saıtyna silteme jasap.
«Shekara aýmaǵyna kiretin shetel azamattaryna ruqsat qaǵaz berý merzimi 7 kúnnen 3 kúnge deıin qysqardy. Aýmaqqa kiretin joldaǵy sý shaıyp ketken qalqyma kópir qaıta qalpyna keltirilip, aqparat taqtalary ornatyldy. Ýálıhanov aýdanynyń ákimdigi «Bosagash» shekara zastavasyna ákimshilik ǵımarat bóldi»,-delingen vedomstvonyń habarlamasynda.
Sonymen qatar, SQO, Qaraterek kenti turǵyndarynyń suraýy boıynsha, shekaradaǵy ótkizý pýnktiniń jumysy 09:00-12:00 den 08:00-18:00 ge deıin uzartyldy.
Prokýrorlyq qadaǵalaý aktileriniń nátıjesine sáıkes SQO-nyń shekara aýdandaryndaǵy ótkizý pýnktterine barlyq zamanaýı talaptarǵa saı keletin 5 modýldyq pýnkt satyp alyndy.
