Shekara mańyndaǵy 374 aýylda mektep joq – Ulttyq ekonomıka mınıstrligi
«Bilim berý salasyndaǵy problema bilikti kadrlardyń tapshylyǵy, materıaldyq-tehnıkalyq bazanyń tómen deńgeıi, kórsetiletin qyzmetterdiń sapasy bolyp tabylady. 2022 jylǵy málimetter boıynsha 374 shekara mańyndaǵy aýyldyq eldi mekende bilim berý obektileri joq», - dep kórsetilgen qujatta.
Sonymen qatar tujyrymdamada shekaralas aýmaqtarda ornalasqan eldi mekenderde bar densaýlyq saqtaý salasyndaǵy máseleleri kóterilgen.
«Shekara mańyndaǵy aýdandarda halyqqa densaýlyq saqtaý qyzmetterin 1 028 medıtsınalyq uıym kórsetedi. Densaýlyq saqtaý salasyndaǵy negizgi problema - dárigerler men medıtsınalyq personaldyń jetispeýshiligi, sondaı-aq, 256 aýyldyq eldi mekende medıtsınalyq obektilerdiń bolmaýy», - dep qazirgi máseleler jazylǵan qujatta.
Buǵan qosa, 671 aýylda sportpen shuǵyldanatyn nysan men 715 eldi mekende mádenıet úı joq.