Shekara mańyna ornalasqan aýyldardaǵy elektr jelileriniń 42,6%-y tozǵan
«Eldiń shekaralas aýdandaryndaǵy turǵyn úı-kommýnaldyq ınfraqurylym kórsetkishteri nasharlaýda. Birqatar aýdandarda elektrmen jabdyqtaý jelileri – 42,6%, sýmen jabdyqtaý jelileri – 60,8%, gazben jabdyqtaý jelileri – 16,5% tozǵan», - delingen tujyrymdamada.
Ulttyq ekonomıka mınıstrligi keltirgen málimetke saı, kóptegen shekaralas aýyldarda uıaly baılanys, ınternet jáne poshta qyzmetteriniń sapasy tómen. Sonymen qatar, aýdan ortalyǵynan alys ornalasýyna baılanysty birqatar eldi meken halqy úshin memlekettik qyzmetterdiń qoljetimdiligi kúrdelene túsýde.
«Shekaralyq ótkizý pýnktteriniń ınfraqurylymyn damytý máselelerine erekshe nazar aýdarý qajet. Ótkizý pýnktteri men olarǵa irgeles avtomobıl joldarynyń zamanaýı ınfraqurylymynyń bolmaýy kóptegen shekara mańyndaǵy aýmaqtardyń tranzıttik jáne týrıstik áleýetin tolyq iske asyrýǵa múmkindik bermeıdi», - delingen vedomstvo keltirgen derekterde.
Eske sala keteıik, buǵan deıin Baǵdat Mýsın ınternet baıaý isteıtin aýyldar statıstıkadan shyǵarylǵanyn málimdep edi.