Shekara mańyn damytý máseleleri jeke zań retinde qarastyrylýy tıis - M. Áshimbaev
ASTANA. 5 jeltoqsan. QazAqparat - Shekara mańyn damytý máseleleri jeke zań retinde qarastyrylýy tıis. Búgin Májiliste «Qazaqstan Respýblıkasynyń Memlekettik shekarasy týraly» zań jobasy boıynsha Memlekettik shekarany qorǵaý jáne kúzetý zańnamalaryn jetildirýge arnalǵan dóńgelek ústel barysynda depýtat Máýlen Áshimbaev osylaı málim etti.
«Shekara mańyn damytý máselesin bir ǵana zań jobasymen, onyń ishinde «Memlekettik shekara týraly» zań jobasymen sheshý múmkin emes. Biz bul máseleni jeke qujat arqyly retteýdi qup kóremiz. Sondyqtan da, shekara mańyn damytýǵa qatysty máselelerdi keshendi túrde kóterip, ony jeke zań retinde qarastyrý týraly Májilistiń depýtattary bastama jasaýy da múmkin», - dedi M. Áshimbaev.
Onyń aıtýynsha, búgingi kúni shekara mańyndaǵy eldi mekenderde birqatar problemalar qordalanǵan. Máselen, ınfraqurylymdar tozyp, ekonomıkalyq damýdyń tejelýine oraı, jumyssyzdyqtyń saldarynan bundaı óńirlerdi tastap ketý baıqalyp otyr. «Sonymen qatar, shekaralyq qaýipsizdikti qamtamasyz etý problemalary eń aldymen shekara mańyndaǵy qaýipsizdikti qamtamasyz etýmen tutas qarastyrýdy talap etedi. Sol úshin biz kelesi jyly osy máseleni qolǵa alǵymyz keledi», - dedi depýtat.
