Shekara qyzmetiniń dırektory Chelah isine qatysty pikir bildirdi

ASTANA. QazAqparat - QR Ulttyq qaýipsizdik komıteti Tóraǵasynyń orynbasary – Shekara qyzmetiniń dırektory Erlan Aldajumanov isti bolǵan Vladıslav Chelahtyń Prezıdentke jazǵan haty týraly tilshiler suraqqa jaýap berdi, dep habarlaıdy QazAqparat tilshisi.

«Bul oqıǵa bolǵan jyly tıisti qylmystyq is tergelgen bolatyn. Atap aıtqanda, tergeý amaldary tolyq júrgizildi. Eger basqa da málimdemeler bolsa, onyń mán-jaıyn qarastyrýǵa bolady. Qazir ol ne týraly aıtqysy kelgenin naqty bilmeımin», - dedi A. Aldajumanov Senattyń jalpy otyrysynan keıin tilshiler suraǵyna jaýap bere otyryp.

Sonymen qatar ol bul is boıynsha Shekara qyzmetiniń ustanymy tergeý organdarynyń dálelderimen sáıkes keletinin aıtty.

Budan buryn habarlanǵandaı, QR Bas prokýrorynyń orynbasary Jandos Ómirálıev Vladıslav Chelahtyń Prezıdentke jazǵan haty jóninde pikir bildirdi.

Byltyr jyl sońynda V. Chelah ótinishi Bas prokýratýraǵa tústi.

Eske sala ketsek, 2012 jyly mamyrdyń 27-sinen 28-ine qaraǵan túni Almaty oblysynyń «Arqankergen» shekara beketinde 14 shekarashy jáne bir qoryqshy qaza tapty.