Shekara qyzmeti dırektorynyń burynǵy orynbasary Serik Áshimbaev sotqa tartyldy
ASTANA. QazAqparat - 29 mamyrda qyzmettik turǵyn úılerdiń memlekettik satyp alýlaryn júrgizý barysynda bılikti jáne qyzmettik ýákilettikterin asyra paıdalanǵandary úshin aıyptalǵan Shekara qyzmetiniń laýazymdy tulǵalary S.K. Áshimbaev, A.I. Nurmanov jáne olarmen qylmystyq kelisim ornatqan «Astana Finance Union» JShS dırektory M.E. Muqanov sotqa tartyldy.
Bul týraly Bas áskerı prokýratýranyń málimetterinde habarlandy. Bas áskerı prokýratýramen tergelgen qylmystyq is Aqmola garnızonynyń áskerı sotyna qaraý úshin joldandy.
Budan buryn habarlanǵandaı, Shekara qyzmeti dırektorynyń burynǵy orynbasary S.K. Áshimbaev, Shekara qyzmetiniń Tyl bas basqarmasy bastyǵynyń burynǵy orynbasary A.I. Nurmanov jáne «Astana Finance Union» JShS dırektory M.E. Muqanov qylmystyq kelisim ornatyp, bıýdjettik qarajatty urlap, óz áreketterimen 230 mln. teńgeden asatyn asa iri kólemde materıaldyq zalal keltirgen.
Tergeý barysynda Shekara qyzmetiniń laýazymdy tulǵalarynyń qyzmettik turǵyn úıdi memlekettik satyp alýmen baılanysty protsedýralardy júrgizý barysynda bılikti jáne qyzmettik ýákilettikterin asyrý derekteri anyqtaldy.
Azamattyq talap-aryz bóliginde, basqa da múliktik tóletýler nemese múlikti tárkileýge qatysty úkimdi oryndaý maqsatynda, tergeý organymen 290 mln. teńgeden astam memleketke keltirilgen zalaldyń óndirilýi qamtamasyz etildi.
