Shekara qyzmeti BQO-daǵy Reseımen shekarada kóliktiń kóp jınalyp qalýyna qatysty túsinikteme berdi

NUR-SULTAN. QazAqparat – QR UQK Shekara qyzmeti Batys Qazaqstan oblysynda Qazaqstan-Reseı shekarasynda «Syrym» ótkizý pýnktinde kóp kóliktiń jınalyp qalýyna qatysty túsinikteme berdi, dep habarlaıdy QazAqparat vedomstvonyń baspasóz qyzmetine silteme jasap.

«Shekara qyzmeti qazirgi ýaqytta Qazaqstan-Reseı shekarasynda (Batys Qazaqstan oblysy) ornalasqan «Syrym» ótkizý pýnktine jaqyn jerde Qazaqstan Respýblıkasynan shyǵýǵa 350-den astam avtomashına kóleminde júk kólik quraldarynyń jınalǵany baıqalatynyn habarlaıdy.

Qalyptasqan jaǵdaı shektes memlekettiń baqylaý sharalaryn kúsheıtýine baılanysty (tasymaldaýǵa tyıym salynǵan zattar men materıaldardy anyqtaý úshin «tehnologııalyq ótýdi» mindetti túrde usynýdy talap etý)», delingen habarlamada.
Vedomstvonyń málimdeýinshe, Reseıden Qazaqstanǵa kele jatqan «Mashtakov» Reseı Federatsııasynyń irgeles ótkizý pýnkti (400-den astam avtomashına) aýdanynda da osyndaı jaǵdaı qalyptasqan.
«Júk kólik quraldarynyń júrgizýshilerin, ásirese tez buzylatyn ónimdi tasymaldaýshylardy atalǵan ótkizý pýnktteri arqyly marshrýttardy josparlaý kezinde osy mán-jaılardy eskerýin suraımyz», dep eskertti Shekara qyzmeti.