Shekara qyzmeti akademııasynda joǵalǵan 10 tapansha tabyldy
ASTANA. QazAqparat - QR Ulttyq qaýipsizdik komıtetiniń Shekara qyzmeti akademııasynda joǵalǵan 10 tapansha tabyldy. Bul jaıynda QR Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Jedel-tergeý toby QR UQK Shekara qyzmeti akademııasynan 10 tapanshanyń urlaný faktisi boıynsha qylmystyq isti tergeý barysynda bul qylmysty jasaǵan atalǵan oqý ornynyń júrgizýshisin ustady. Onyń turǵylyqty jerin tintý barysynda urlanǵan tapansha tabylyp, alyndy», - dedi Almas Sadýbaev.
Aıta keteıik, buǵan deıin Ulttyq qaýipsizdik komıtetiniń Shekara qyzmeti akademııasynda 10 pıstolet joǵalǵanyn, soǵan baılanysty Іshki ister mınıstrligi sotqa deıingi tergeýdi bastaǵandyǵyn habarlaǵan edik.
