Shekara qyzmeti akademııasynda 10 tapansha joǵalýyna baılanysty sotqa deıingi tergeý bastaldy
ASTANA. QazAqparat - Shekara qyzmeti akademııasynda 10 tapansha joǵalýyna baılanysty sotqa deıingi tergeý bastaldy. Bul jaıynda QR Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Ulttyq qaýipsizdik komıtetiniń Shekara qyzmeti akademııasynda 10 pıstolet joǵaldy. Soǵan baılanysty Іshki ister mınıstrligi sotqa deıingi tergeýdi bastady», - dedi ol.
Onyń aıtýynsha, bul oqıǵa atys alańyndaǵy jattyǵýlar kezinde oryn alǵan.
«Qazirgi ýaqytta atys qarýynyń urlanýy boıynsha sotqa deıingi tergeý júrgizilýde. Sondaı-aq qylmysty ashýǵa baǵyttalǵan keshendi jedel izdestirý sharalary da qolǵa alyndy», - dedi Sadýbaev.
