Shekarashylar Aqtóbede myńnan astam turǵyn men maldy qaýipsiz jerge kóshirdi
PETROPAVL. KAZINFORM - Aqtóbe oblysy boıynsha Shekara qyzmeti departamenti Tótenshe jaǵdaılar departamenti men jergilikti atqarýshy organdardyń úılestirýimen óńirdiń 4 eldi mekeninde (Aqyrap, Jırenqopa, Maıtóbe, Aıke) sý tasqynyna qarsy jumystar júrgizip jatyr.
QR Ulttyq qaýipsizdik komıteti Shekara qyzmetiniń habarlaýynsha, 1 250 turǵyn men ondaǵan mal basy evakýatsııalandy.
Áskerı qyzmetshilerdiń kúshimen turǵyn úı obektilerin sý basýǵa jol bermeý boıynsha jekelegen jer ýchaskeleri nyǵaıtyldy. Terisaqqan jáne Jańatalap eldi mekenderi arasyndaǵy bógetti, sondaı-aq Ashqara ózeni men Shalqar kóliniń jaǵalaý syzyǵyn nyǵaıtýǵa kómek kórsetildi.
Sonymen qatar, azyq-túlik, dári-dármek, qajetti zattardy, kıim-keshek jáne 100 tonna qum jetkizý jumystary júrgizildi.
«UQK Shekara qyzmeti Batys Qazaqstan jáne Qostanaı oblystary boıynsha TJD-larǵa sý tasqynyna qarsy is-sharalarǵa, onyń ishinde UQK avıatsııasyn paıdalana otyryp kómek kórsetý jumysyn jalǵastyrýda»,-delingen UQK baspasóz qyzmeti taraqtan aqparatta.
