Shekara qyzmeti janar-jaǵarmaıdy zańsyz áketýdiń 411 deregin anyqtady
ASTANA. KAZINFORM - Shekara arqyly jalpy somasy 1 mlrd teńgeden astam taýarlar men júkterdi zańsyz tasymaldaýdyń 551 faktisiniń joly kesildi
UQK Shekara qyzmeti ótkizý pýnktterinde quqyqqa qaıshy áreketterdi anyqtaý jáne jolyn kesý boıynsha turaqty jumys istelip jatyr.
1-10 tamyz aralyǵynda shekara arqyly jalpy somasy 1 mlrd teńgeden astam taýarlar men júkterdi zańsyz tasymaldaýdyń 551 faktisiniń joly kesildi.
Atap aıtqanda, janar-jaǵarmaı materıaldaryn zańsyz alyp shyǵýdyń 411 áreketine, sondaı-aq halyq tutynatyn taýarlardy ótkizý tártibin buzýdyń 140 faktisine jol berilmedi.
Kináli adamdar Qazaqstan Respýblıkasynyń qoldanystaǵy zańnamasyna sáıkes jaýapkershilikke tartyldy.
Aıta ketelik shekarada 645 mln teńgeden astam deklaratsııalanbaǵan valıýta anyqtalǵan edi.
