Shekara qyzmeti tamyz aıynda elge zańsyz kirgizilmek bolǵan 678 dinı kitapty tárkiledi - UQK

ASTANA. KAZINFORM - UQK Shekara qyzmeti 2025 jylǵy tamyzda quzyretti organdarmen ózara is-qımyl jasaı otyryp, shekara keńistiginde 4 610 QR zańnamasyn buzýshyny, sonyń ishinde: shekarany buzǵany úshin 39 shetel azamatyn, shekarany buzý áreketi úshin 25 shetel azamatyn ustady.

Bul týraly QR Ulttyq qaýipsizdiń qyzmetiniń Shekara qyzmetinen málim boldy.

Taratylǵan málimetterge qaraǵanda, tamyz aıynda memlekettik shekara arqyly taýarlar men júkti zańsyz ótkizýdiń 1 352 faktisiniń aldy alyndy. Sonyń ishinde:
jalpy salmaǵy 5 kg astam esirtki zattary;
qarýlar men oq-dárilerdiń 47 faktisi (1 birlik atys, 1 birlik jaraqattandyrýshy, 1 birlik gazben atatyn, 1 birlik pnevmatıkalyq, 151 birlik sýyq qarý, 191 oq-dáriler);
dinı ádebıettiń 18 faktisi (678 dana);
jalpy somasy 5,5 mln teńgeden asatyn janar-jaǵarmaıdyń 499 faktisi (18 500 lıtrden astam);
jalpy somasy 1,5 mlrd teńgeden astam halyq tutyný taýarlarynyń 598 faktisi;
jalpy somasy 1,5 mlrd teńgeden astam valıýtanyń 157 faktisi.

Kaspıı sý aılaǵynda 55 brakonerlik faktisiniń joly kesildi. Sonyń ishinde:
9 júzý quraly;
21 km-dan artyq aý men brakonerlik aýlaý quraldary;
240 dana (1 440 kg) bekire tuqymdas balyq;
28 dana (19 kg) sırek kezdesetin balyq túrli alyp qoıyldy;
aldy alynǵan zalal somasy 566 mln teńgeden astamdy qurady.

Osy faktiler boıynsha materıaldar zańbuzýshylardy jaýapqa tartý úshin quqyq qorǵaý jáne sot organdaryna joldandy. Memlekettik shekarada qandaı da bir shekteý sharalary engizilgen joq, barlyq ótkizý pýnktteri shtattyq rejımde jumys istep jatyr.

-2025 jylǵy 25 tamyzdan bastap Qazaqstan-Qyrǵyzstan memlekettik shekarasynyń ýchaskesindegi «Kegen» (Almaty oblysynyń Raıymbek aýdany) avtomobıldik ótkizý pýnkti táýlik boıy jumys rejımine aýysty,-delingen habarlamada.