Shekara qyzmeti bir aıda 1,3 myńnan astam kontrabandalyq áreketti anyqtady

ASTANA. KAZINFORM — Qazaqstan shekarasynda qyrkúıekte zańsyz taýar ótkizýge qatysty 1 300-den astam fakti áshkerelendi. Bul týraly UQK baspasóz qyzmeti habarlady. 

— UQK Shekara qyzmeti Memlekettik shekarany kúzetý men qorǵaýdy qamtamasyz etý aıasynda 2025 jylǵy qyrkúıekte quzyrly organdarmen ózara árekettese otyryp, shekara keńistiginde el zańnamalaryn buzǵan 4 634 adamdy ustady, sonyń ishinde 3 954 shetel azamaty, — delingen habarlamada.

Memlekettik shekara arqyly taýarlar men júkterdi zańsyz ótkizýdiń 1 349 faktisiniń aldy alyndy, sonyń ishinde:

45 fakti — qarýlar men oq-dáriler (1 dana jaraqat, 2 dana pnevmatıkalyq, 54 dana sýyq qarý, 12 dana «AK-74» sholaq avtomattary, 101 dana oq-dári);

478 fakti — somasy 25 mln teńgeden asatyn janar-jaǵarmaı materıaldary;

657 fakti — somasy 1,6 mlrd teńgeden astam halyq tutyný taýarlary;

180 fakti — somasy 1,9 mlrd teńgeden astam shetel valıýtasy.

Kaspıı akvatorııasynda 103 brakonerlik faktileriniń aldy alyndy, sondaı-aq:

15 dana — júzý quraldary;

uzyndyǵy 30 km asatyn tor — brakonerlik aýlaý quraldary;

162 dana (643 kg) — bekire tuqymdas balyq;

— Aldy alynǵan zalal somasy shamamen 258 mln teńge, — delingen habarlamada.

Bul faktiler boıynsha materıaldar zań buzǵan adamdardy jaýapkershilikke tartý úshin quqyq qorǵaý jáne sot organdaryna jiberildi.

— Qytaıda 1-3 qazan aralyǵynda «QHR qurylǵan kúni» jáne 6 qazanda «Kúz ortasy merekesine» merekeleýine baılanysty «Maıqapshyǵaı», «Baqty», «Dostyq», «Nurly jol» jáne «Kóljat» avtokólik ótkizý pýnktterinde adamdar men kólik quraldaryn ótkizilmeıdi. Sonymen qatar, «Dostyq» jáne «Altynkól» temirjol ótkizý pýnktteri turaqty rejimde jumys isteıtin bolady, — delingen UQK Shekara qyzmeti taratqan habarlamada.

Memlekettik shekarada qandaı da bir shekteý sharalary engizilgen joq. 

Aıta ketelik UQK 12 óńirde arnaıy shara júrgizip, 62 qarý-jaraq tárkilegen edi.