Shekara buzǵan qyrǵyzstandyq tórt azamat ustaldy
ASTANA. 11 qazan. QazAqparat - Taraz shekara otrıadyna qarasty «Aspara» zastavasynyń shekara narıady zastava mańynan 7 shaqyrymdaı qashyqtyqta memlekettik shekarany buzyp, elimizge tótesinen tartyp kele jatqan qyrǵyzstandyq 4 azamatty ustady. Bul týraly QR UQK ShQ baspasóz qyzmetinen habarlady.
Degenmen, shekarashylardy kórgen shekara buzýshylar da qarap qalmady, shamalary kelgenshe qarsylyq kórsetip baqty, nátıjesinde shekarashylardyń bireýi dene jaraqatyn aldy.
Shaqyrylmaǵan qonaqtardy toqtatý úshin, sondaı-aq narıadtyń ómiri men qyzmetine tóngen qaterdiń aldyn alý maqsatynda bir ret aspanǵa oq atýǵa týra keldi.
Shekara buzýshylar ustaldy. Tekserý kezinde olardyń birýiniń aýzynan qarakókshil tústi, ósimdik tektes zat salynǵan, ózindik ıisi bar, salmaǵy 3 gramdaı bolatyn polıetılendi paket tabyldy.
Atalǵan derek boıynsha tergeý júrgizilýde.
