«Shekara baqylaýda» - Danıal Ahmetov koronavırýsqa qatysty úreılenbeýge shaqyrdy
ÓSKEMEN. QazAqparat - Shyǵys Qazaqstan oblysynyń ákimi Danıal Ahmetov turǵyndardy koronavırýsqa qatysty úreılenbeýge shaqyrdy, dep habarlaıdy QazAqparat.
«Qazir shekara men keden beketterindegi baqylaý kúsheıtilgen. Árıne, halyqtyń alańdaýshylyǵyn túsinemiz. Biraq barlyqtaryńyzdy úreılenbeýge shaqyramyn. Sebebi áli Qazaqstanda koronavırýs juqtyrǵan eshkim joq» - deıdi Danıal Ahmetov.
Onyń aıtýynsha, óńirdegi juqpaly aýrýlar bólimshelerinde 1000 tósek-oryn daıyndalǵan.
Esterińizge sala ketsek, osyǵan deıin ShQO-da koronavırýstyń taralýyna jol bermeý úshin jedel shtab qurylǵandyǵy habarlanǵan bolatyn.
