Shekara asyp, qashyp ketken jemqor Qytaıǵa oraldy
ASTANA. QazAqparat - Qytaı bıliginiń belsendi izdeýindegi 100 jemqordyń qataryna engen Jen Bıao óz erkimen otanyna oraldy.
«Sınhýa» agenttigine silteme jasaǵan TASS málimetinshe, sheneýnik 2014 jyly QHR-nan qashyp, Sent-Kıts jáne Nevıs aýmaqtaryn panalaǵan.
«Jen Bıao zańsyz nesıe alý jáne qarjylyq shottar boıynsha astyrtyn áreketteri úshin aıyptalyp otyr», - delingen qujattarda.
Qytaı osyǵan deıin jarııalanǵan shetelderde jasyrynǵan otandastary men kúdikti jemqorlardy ustaýǵa baǵyttalǵan «túlkini aýlaý» naýqanyn jalǵastyrýda. Olardyń kóbi AQSh pen Kanadada. Shamamen alǵandaǵy esep boıynsha qashqyn sheneýnikter elden 50 mlrd dollar alyp ketken.
