Shekara arqyly qarý-jaraq, oq-dári alyp ótpek bolǵan úsh azamat ustaldy
«Petropavl» shekara otrıadynyń «Qaraqoǵa-avto» bólimshesinde búgin túnde, saǵat 2-ler shamasynda Reseıden bizdiń elge qaraı kele jatqan 34 jastaǵy RF azamaty ustaldy. Shekarashylar onyń jekemenshik «Nıssan Patrol» avtokóligin teksergen kezde júksalǵyshtan ártúrli ańshy myltyǵyna jáne travmatıkalyq qarýǵa arnalǵan oq-dárilerdi taýyp aldy. Jan-jaqty tekserý nátıjesinde avtokólik kabınasynda, oryndyqtyń astyna jasyrylǵan «TT Lıder» markaly travmatıkalyq tapansha da tabyldy. Ustalǵan azamat aıǵaq zattarymen birge Maǵjan Jumabaev aýdany boıynsha polıtsııa bólimine tapsyryldy» delingen habarlamada.
Sondaı-aq, Qostanaı shekara otrıadynyń «Qaıraq-avto» bólimshesinde bizdiń elge kele jatqan Reseı azamatynan, Semeıdiń «Úbe-avto» bólimshesinde Reseıge shyǵyp bara jatqan qazaqstandyqtan da ańshy myltyqtarynyń oq-dárileri tabylǵan. Olar Qarabalyq jáne Shemonaıha aýdandyq polıtsııa bólimderine tapsyryldy.