Shekara arqyly 21,9 mıllıard teńgeniń qundy zattaryn jáne aqsha alyp ótpek bolǵandar ustaldy
Bul málimetterdi búgin Memleket basshysy Qasym-Jomart Toqaevpen kezdesýi barysynda QR Ulttyq qaýipsizdik komıtetiniń tóraǵasy Ermek Saǵymbaev málim etti, dep habarlaıdy QazAqparat.
Kezdesý barysynda komıtet tóraǵasy Prezıdentke ózi basqaratyn vedomstvonyń ótken 2022 jyly atqarǵan jumystary týraly esep berdi.
«Memlekettik qupııalardy qorǵaý júıesin damytý jóninde keshendi sharalar iske asyryldy. UQK tehnıkalyq qyzmetteri asa mańyzdy ınfraqurylym obektilerine jasalǵan 341,8 mıllıon kıber jáne 2 954 DDoS-shabýylǵa tosqaýyl qoıdy»,-dedi Ermek Saǵymbaev.
Sondaı-aq ol bir jylda memlekettik shekarany buzǵan 15 603 adam ustalǵanyn málim etti.
«Shekara arqyly quny 21,9 mıllıard teńgeniń valıýtasy, altyn jáne ózge de qundy taýarlardy zańsyz alyp ótpek bolǵandardyń jol kesildi»,-dedi ol.
Kezdesý sońynda Memleket basshysy ulttyq qaýipsizdik organdary qyzmetiniń baǵyttary boıynsha birqatar naqty tapsyrma berdi.
