Shekara arqyly 2,8 mlrd teńgeden astam somaǵa shetel valıýtasy shyǵarylmaq bolǵan

ASTANA. QazAqparat – 184 mln teńgeden astam somaǵa zergerlik buıymdardy zańsyz ákelýdiń áreketteri anyqtaldy. Bul týraly Ulttyq qaýipsizdik komıteti Shekara qyzmetiniń bıylǵy birinshi jartyjyldyqtaǵy qyzmettiniń qorytyndysyna arnalǵan brıfıngide Shekaralyq baqylaý departamenti bastyǵynyń birinshi orynbasary Ǵanı Aǵadilov aıtty, dep habarlaıdy QazAqparat tilshisi.

«324 jaǵdaıda 2,8 mlrd teńgeden astam somaǵa shetel valıýtasyn áketýdiń joly kesildi. Budan bólek, 184 mln teńgeden astam somaǵa zergerlik buıymdardy zańsyz ákelýdiń 12 áreketi anyqtaldy», - dedi Ǵ. Aǵadilov Ortalyq kommýnıkatsııalar qyzmetinde.

Sonymen qatar ol shekaradan qarý ótkizbek bolǵandar anyqtalǵanyn aıtty.

«166 jaǵdaıda ártúrli kalıbrli qarýlar men oq-dárilerdi shekaradan zańsyz ótkizý áreketteri toqtatyldy. Budan bólek, dinı sıpattaǵy 3 335 kitap pen broshıýra anyqtalyp, saraptamaǵa berildi», - dedi Shekaralyq baqylaý departamenti bastyǵynyń birinshi orynbasary.

Ǵ.Aǵadilov sondaı-aq Qazaqstanǵa zańsyz kirýge áreket jasaıtyn sheteldikter sany artqanyn málim etti.