Іshek ınfektsııasy: Almatyda fızıka-matematıka mektebiniń 47 oqýshysy aýrýhanaǵa tústi
ALMATY. KAZINFORM — Almatyda ornalasqan Respýblıkalyq fızıka-matematıka mektebiniń (RFMM) oqýshylary ýlanǵan bolýy múmkin.
Bul týraly áleýmettik jelide ata-analardyń biri jazdy. Onyń aıtýynsha, 50-ge jýyq bala aýrýhanaǵa jatqyzylyp, mektep 3 kúnge karantınge jabylǵan.
Atalǵan jazbaǵa Balalar qalalyq klınıkalyq juqpaly aýrýlar aýrýhanasy pikir bildirdi. Mekeme bıyl 12-13 aralyǵynda RFMM mektebiniń 47 oqýshysy jedel ishek ınfektsııasynyń belgilerimen emhanaǵa jatqyzylǵanyn rastady.
— Qazir olardyń bári dárigerlerdiń baqylaýynda. Internatta taǵy 8 bala oqshaýlanyp, medıtsınalyq baqylaýǵa alyndy. Sanıtarııalyq-epıdemıologııalyq baqylaý departamentiniń qaýlysymen mekteptiń, ınternattyń jáne as blogynyń jumysy ýaqytsha toqtatyldy, — delingen málimdemede.
Sondaı-aq qazir mamandar tekserý júrgizip, zerthanalyq zertteýlerge synamalar alǵany atap ótildi.
Eske salaıyq, buǵan deıin almatylyqtar qala ortalyǵyndaǵy balabaqshanyń jóndeýge jabylýyna narazylyq bildirdi.
