Shegirtkeniń qaptaýy: ShQO-da hımııalyq óńdeý jumystary jalǵasyp jatyr
ÓSKEMEN. KAZINFORM – Shyǵys Qazaqstan oblysy shegirtkeniń qaptaýyna jol bermes úshin fıtosanıtarlyq óńdeýler jalǵasyp jatyr.
Óńir sharýagerleri mamyr aıynyń sońynda shegirtkeniń shekten tys qaptap ketkenin aıtyp, dabyl qaqqan bolatyn.
Belgili bolǵanlaı, bıyl aımaq boıynsha shekirtkeniń top-tobymen jáne jeke túrleri – sonyń ishinde ıtalıandyq prýs pen azııalyq túrleri taralǵany anyqtaldy.
- Monıtorıng pen hımııalyq óńdeý jumystary turaqty júrgizilip keledi. Keń aýmaqtar zerttelip, qajet bolǵan jaǵdaıda tıisti qorǵanys quraldary qoldanylady. Top-tobymen taralǵan shegirtkelerge qarsy sharalardy Aýyl sharýashylyǵy mınıstrligi respýblıkalyq bıýdjet esebinen uıymdastyrady. Al jeke túrlerine qarsy kúresti jergilikti atqarýshy organdar oblystyq qarjy esebinen júzege asyrady, - dedi ShQO Aýyl sharýashylyǵy basqarmasynyń basshysy Ajar Qajybekova.
2025 jyly eń belsendi oshaqtar Zaısan, Kúrshim, Tarbaǵataı jáne Samar aýdandarynda tirkelgen.
Bul aýdandarda arnaıy tehnıkamen, onyń ishinde avıatsııa arqyly óńdeý jumystary júrgizildi. Jumysqa agrarlyq salada tájirıbesi bar merdiger uıymdar tartylǵan.
Eske salsaq, Aqtóbede shegirtkege qarsy óńdeý jumysy aıaqtalyp qalǵany habarlanǵan.