Shegirtkeni jeýge bola ma – Densaýlyq saqtaý mınıstri vıtse-premerdiń málimdemesine pikir bildirdi

ASTANA. KAZINFORM – Densaýlyq saqtaý mınıstri Aqmaral Álnazarova Úkimet úıindegi baspasóz máslıhatynda vıtse-premer Serik Jumanǵarınniń shegirtkeniń «halal as» ekeni týraly málimdemesine pikir bildirdi. 

«Ótken aptada premer-mınıstrdiń orynbasary Serik Jumanǵarın «shegirtke halal, ony jeýge bolady» dep málimdeme jasap, biraz synnyń astyna qaldy. Siz – Qazaqstannyń bas dárigerisiz. Osyǵan qatysty sizdiń pikirińizdi bilsek, shynymen shegirtkeni jeýge bola ma?» - dep surady jýrnalıst.

Mınıstr shegirtkeni asqa paıdalaný qazaq dástúrine jat ekenin aıtyp, qysqa qaıyrdy.

«Áriptester, sizderdi qurmetteımin. Bul suraqty kommentarısiz qaldyrsam... Árbir memlekettiń óziniń dástúri bar. Qazaqqa tán emes dástúr dep bilemin. Sondyqtan qazir onyń zııany, paıdasy bar, halal, halal emes dep aıtýǵa daıyn emespin. Bul meniń quzyretime kirmeıdi», - dedi Aqmaral Álnazarova.