Shegirtkege qarsy hımııalyq óńdeý qyzmetteri biryńǵaı júıe arqyly satyp alynady
ASTANA. KAZINFORM – Qazaqstanda shegirtkege qarsy hımııalyq óńdeý qyzmetterin satyp alýdyń biryńǵaı júıesi engizildi. Bul týraly OKQ alańynda ótken baspasóz konferentsııasynda QR Aýyl sharýashylyǵy vıtse-mınıstri Ermek Kenjehanuly aıtty.
Vıtse-mınıstrdiń sózinshe, jańa júıe hımııalyq óńdeý jumystaryn bir ortalyqtan úılestirýge jáne bıýdjet qarajatyn tıimdi jumsaýǵa múmkindik berip otyr.
Sonymen qatar shegirtkege qarsy qoldanylatyn jeldetkish búrikkishterdiń jumys ónimdiligine qoıylatyn talaptar qaıta qaralǵan. Buryn bir tehnıka táýligine 100 gektar jer óńdeýi tıis bolsa, qazir bul kórsetkish 70 gektarǵa deıin tómendetilgen.
– Bul óńdeý jumystarynyń sapasyn arttyryp, ony qysqa merzimde ári tıimdi júrgizýge múmkindik beredi, – dedi Ermek Kenjehanuly.
Onyń aıtýynsha, qazirgi kezde TMD elderiniń shegirtkege qarsy kúres jónindegi kelisimi de júzege asyrylyp jatyr. Bul kórshi memleketterdiń is-qımylyn úılestirýge jáne zııankesterdiń shekara asyp taralýynyń aldyn alýǵa jol ashady.
Eske salsaq, Qazaqstanda bıyl shegirtke zııankesterine qarsy hımııalyq óńdeý jumystarynyń boljamdy kólemi 2,2 mln gektar.
