Shegirtkege qarsy hımııalyq óńdeý: 43% qamtyldy
ASTANA.KAZINFORM — Óńirlerde shegirtke zııankesterine qarsy hımııalyq óńdeý jumystary jalǵasýda. 11 maýsymdaǵy jaǵdaı boıynsha 954 myń gektar nemese boljanǵan aýmaqtyń 43%-y óńdeldi. Bul týraly AShM málim etti.
Egin alqaptaryn qorǵaý jumystary josparly túrde jalǵasýda, barlyq qajetti sharalar ýaqtyly ári tolyq kólemde qolǵa alynǵan.
— Jalpy alǵanda, bıyl 2,2 mln gektar jerdi óńdeý josparlanǵan, 2024 jylmen salystyrǵanda 30%-ǵa az. Bul Úkimettiń qoldaýymen júrgizilgen keshendi jumystardyń jáne ósimdikterdi qorǵaý júıesindegi eleýli ózgeristerdiń nátıjesi.
Atap aıtqanda, qyzmetterdi satyp alýdyń biryńǵaı júıesi engizilip, úderister ortalyqtandyrylyp, bıýdjet qarajatyn paıdalaný tıimdiligi artty, — delingen habarldamada.
Jeldetkish búrikkishterdiń ónimdilik normalary qaıta qaralyp, kórsetkish 100 gektardan 70 gektarǵa deıin tómendetildi. Bul tartylǵan tehnıkanyń sanyn 556 birlikke arttyrýǵa múmkindik berdi, ıaǵnı 2025 jylmen salystyrǵanda 25%-ǵa kóp.
Sonymen qatar, fıtosanıtarııalyq qyzmettiń tehnıkalyq parki jańartylyp, 103 dron satyp alyndy. Onyń 57-si monıtorıng jumystaryna, 46-sy hımııalyq óńdeý júrgizýge arnalǵan.
— Shegirtkege qarsy kúrestiń tıimdiligin arttyrý maqsatynda «FITOCENTRE» qosymshasy iske qosyldy. FAO-men birlesip tsıfrlyq tehnologııalar, jasandy ıntellekt jáne ushqyshsyz apparattardy qoldanýǵa baǵyttalǵan seriktestik joba júzege asyrylmaq, — dep habarlady vedomstvodan.
Óńirlerdegi jedel shtabtar shtattyq rejımde jumys isteýde.
Shegirtkege qarsy qorǵaý is-sharalaryn baqylaý maqsatynda AÓK salasyndaǵy Memlekettik ınspektsııa komıtetiniń (MIK) basshylyǵy qazirgi ýaqytta Aqtóbe, Qyzylorda oblystarynda jáne Abaı oblysynda júr.
Buǵan deıin ǵalymdar shegirtkege qarsy hımıkattarǵa balama bıopreparat ázirlegenin jazdyq.
