Shegirtke zııankesterine qarsy 1,5 mln gektar alqap óńdeldi
ASTANA. KAZINFORM — Óńirlerde shegirtke zııankesterine qarsy hımııalyq óńdeý jumystary jalǵasyp jatyr. 29 maýsymdaǵy jaǵdaı boıynsha boljanǵan 2,1 mln gektardyń 1,5 mln gektary nemese 70%-y óńdeldi.
Egis alqaptaryn qorǵaý jumystary ýaqtyly ári tolyq kólemde josparǵa sáıkes júrgizilip jatyr.
Qazirgi ýaqytta AShM AÓK-degi Memlekettik ınspektsııa komıtetiniń basshylyǵy Atyraý jáne Mańǵystaý oblystarynda is sharalar barysyn baqylaý jumystaryn qolǵa alyp jatyr.
Bıyl 2,2 mln gektar alqapty óńdeý josparlanǵan. Bul — 2024 jylmen salystyrǵanda 30%-ǵa az. Mundaı nátıjege Úkimettiń qoldaýymen júrgizilgen keshendi jumystardyń jáne ósimdikterdi qorǵaý júıesiniń edáýir jetildirilýiniń arqasynda qol jetkizildi.
Atap aıtqanda, qyzmetterdi satyp alýdyń biryńǵaı júıesi engizilip, sonyń nátıjesinde satyp alý úderisteri ortalyqtandyrylyp, bıýdjet qarajatyn paıdalaný tıimdiligi artty.
Sondaı-aq jeldetkish búrikkishterdiń ónimdilik normasy qaıta qaralyp, 100 gektardan 70 gektarǵa deıin tómendetildi. Sonyń arqasynda jumyldyrylǵan tehnıka sany 556 jetip, 2025 jylmen salystyrǵanda 25%-ǵa artty.
Budan bólek, fıtosanıtarııalyq qyzmettiń tehnıkalyq parki jańartylyp, 103 dron satyp alyndy. Onyń 57-si monıtorıngtik zertteý jumystaryna, al 46-sy hımııalyq óńdeý jumystaryn júrgizýge arnalǵan.
Shegirtke zııankesterine qarsy kúrestiń tıimdiligin arttyrý maqsatynda «FITOCENTRE» qosymshasy iske qosyldy.
Sonymen qatar, BUU-nyń Azyq-túlik jáne aýyl sharýashylyǵy uıymy (FAO)-men birlesip tsıfrlyq tehnologııalardy, jasandy ıntellekt pen ushqyshsyz ushý apparattaryn paıdalanýǵa baǵyttalǵan seriktestik joba júzege asyrylyp jatyr.
Óńirlerdegi jedel shtabtar shtattyq rejımde jumysyn jalǵastyrýda.
Aıta ketelik 1,3 mln gektar aýyl sharýashylyǵy alqaby shegirtke qarsy óńdelgen edi.
