Shegirtke zııankesterimen kúresý úshin 4,6 mlrd. teńge bólindi - QR AShM
Jazdyq masaqty dándi daqyldar shamamen 14,5 mln. ga alqabyna sebilip, tolyǵymen aıaqtaldy. Maılylar 1,9 mln. ga astam alqapta (99,2%), kópjyldyq shópter - 329,2 myń ga (100,2%), kókónis-baqsha - 227,9 myń ga (104,0%), kartop - 182,9 myń ga (99,3%), maqta - 108,2 myń ga (97,8%) jáne qant qyzylshasy - 12,0 myń ga (97,2%) sebildi. Keıbir oblystarda maıly daqyldar, kópjyldyq shópter egisi, kókónis jáne kartop otyrǵyzý aıaqtalmaǵan.
2016 jylǵy ónimge 2,4 mln. tonna aýyl sharýashylyǵy daqyldarynyń tuqymy sebilgen, onyń ishinde dándi daqyldar tuqymy - 2 mln. tonna, maıly daqyldar - 57 myń tonna, jemshóp daqyldary - 24,7 myń tonna, kartop - 338,4 myń tonna.
Kóktemgi dala jumystaryn júrgizýdi qarjylandyrýǵa ekinshi deńgeıli bankter jáne «QazAgro» UBH» AQ enshiles uıymdary arqyly 60 mlrd. teńge bıýdjettik nesıe berilgen. Aǵymdaǵy jyldyń 9 maýsymdaǵy jaǵdaı boıynsha 55,7 mlrd. teńge somasynda 1666 ótinim qarjylandyryldy.
Sonymen qosa, barlyq baǵyttar boıynsha ósimdik sharýashylyǵy salasyn sýbsıdııalaýǵa 35 mlrd. teńge bólindi.
2016 jylǵy kóktemgi dala jumystaryn júrgizý úshin aýyl sharýashylyǵy taýaryn óndirýshilerdin qajetti dızel otynynyń kólemi 366,8 myń tonna mólsherinde aıqyndaldy. Aǵymdaǵy jyldyń 10 maýsymdaǵy jaǵdaı boıynsha 308,4 myń tonnasy (84%) jóneltildi.
Salany hımııalandyrýdy damytý boıynsha sharalar qabyldanýda. Aǵymdaǵy jyly mıneraldyq tynaıtqyshtar men gerbıtsıdterdin qunyn arzandatýǵa 26,6 mlrd. teńge baǵyttaldy.
Aıryqsha qaýipti zııankes organızmdermen kúresýdi júrgizý úshin shamamen 5,2 mln. ga alqapta hımııalyq óndeý júrgizýge múmkindik beretin respýblıkalyq bıýdjetten 4,6 mlrd. teńge bólingen bolatyn.