Shegirtke zııankesterimen kúres baǵytynda kórshi eldermen birlesken zertteýler júrgiziledi
«Mınıstrlik oblys ákimdikterimen birlesip, oblystar ákimderiniń orynbasarlary basqaratyn jedel shtabtar qurdy jáne monıtorıng pen hımııalyq óńdeý boıynsha jumystardy uıymdastyrý jónindegi jumys josparyn bekitti. Shegirtkelerdiń oshaqtaryn anyqtaý úshin 570 avtokólik jáne GPS navıgator, GPS treker, planshetter paıdalanylady, sondaı-aq 1224 tekserýshi tartylyp, 38,3 mln gektar alqap zertteletin bolady», - dedi komıtet tóraǵasy Ortalyq kommýnıkatsııalar qyzmetinde.
Budan bólek, kórshiles memlekettermen (QHR, Reseı, Ózbekstan) shekaralas aýmaqtarda shegirtke zııankesterin anyqtaý úshin birlesken zertteýler júrgiziledi.
«2019 jyldyń jeltoqsan aıynda Beıjińde QHR Aýyl sharýashylyǵy mınıstrligimen birlesip, al bıyldyń aqpan aıynda RF Aýyl sharýashylyǵy mınıstrligimen shekaralas aýmaqtarda shegirtkege qarsy kúres máseleleri boıynsha halyqaralyq keńester ótti», - dedi Almabek Mars.
Onyń sózine qaraǵanda, shekaralas aımaqtarda zertteýlerge erekshe ekpin qoıylady. Eger osy óńirlerde shegirtke oshaqtary anyqtalǵan jaǵdaıda, oblystarda tıisti tehnıka men jabdyqtar jetkilikti. Preparattardyń barlyǵy óńirlerge jetkizildi.
Budan buryn habarlanǵandaı, 2020 jyly 554 myń gektar alańda úıirli shegirtke zııankesteri taralýy múmkin.