Shegirtke týraly vıdeo túsirgen sharýalar bizden qashyp júr – mınıstr

ASTANA. QazAqparat – QR Aýyl sharýashylyǵy mınıstri Erbol Qarashókeev shegirtke shabýyly jónindegi túrli vıdeolarǵa pikir bildirdi, dep habarlaıdy QazAqparat tilshisi.

Ótken apta sońynda mınıstr Qostanaı oblysyna baryp, egin alqaptaryn aralaǵan. Sondaı-aq, óńirlerde ákimdik janynan jedel shtabtar qurylǵan.

«Qostanaıda shamamen 20 myń gektarda ıtalııalyq prýs shegirtkesiniń ushýy baıqaldy. Ol jaqqa der kezinde tehnıkalar jetkizildi. Qosymsha 40 myń gektar jer qosymsha dárilenip, mamandar jumyldyryldy. Shegirtkeden esh shyǵyn joq. Messendjerlerde túrli vıdeolar shyǵyp jatyr, al negizinde shyǵyn bolǵan joq», - dedi E. Qarashókeev Úkimet kýlýarynda.

Sonymen birge, mınıstr shegirtke týraly vıdeo túsirgen fermerlerge úndeý jasady.

«Shegirtke týraly vıdeo túsirseńizder, eginge shyǵyn keltirdi deseńizder, marhabat, biz jyldam jaýap beremiz. Bizdiń mobıldi toptarymyz birden kelip, máseleniń mán-jaıyn tekseredi. Keshe de Qostanaıdyń Naýryzym aýdanynda sharýa qojalyqtary 3-5 myń gektar eginge zaqym keldi degen edi, endi mamandarymyz baraıyn dese, qojaıyndary qashyp júr, jerin kórsetkisi kelmeıdi», - dedi Aýyl sharýashylyǵy mınıstri Erbol Qarashókeev Úkimette.