Sheberliksiz óner týyndamaıdy - Qazaqstannyń eńbek sińirgen qaıratkeri Bekjan Turys
ALMATY. Jeltoqsannyń 21-i. QazAqparat /Erlik Erjanuly/ - Men teatrda mynany oınasam dep aldyma maqsat qoıǵan emespin". Ony Qazaqtyń M.Áýezov atyndaǵy akademııalyq drama teatrynyń ártisi Bekjan Turys búgin Almatyda QR Prezıdentiniń "QR Memlekettik nagradalarymn marapataý týraly" Jarlyǵy boıynsha Memlekettik hatshy - Syrtqy ister mınıstri Qanat Saýdabaevtyń qolynan "Qazaqstannyń eńbek sińirgen qaıratkeri" ataǵyn alǵan kezde aıtty,
dep habarlaıdy QazAqparat.
"Halyqqa shyndyǵynda teledıdardaǵy shaldyń obrazy arqyly tanyldym. Qazir de jurttyń bári meni shal deıdi, qarııa dep qabyldaıdy. Barǵan jerimde tórin usynyp jatady. Bul da men úshin úlken qurmet. Qarııalarymyz batadan góri bokalǵa jaqyn bop ketken soń, aqsaqaldyń beınesin somdap júrgen jaıymyz bar. Biz áli aqsaqaldardy izdep júrgen sııaqtymyz. Óıtkeni kesheginiń arty, búginginiń qarty dep aıtatyn qarııalarmyz az. Keıde aqsaqal dep úmit artyp iltıpat bildirgen adamdaryń sen meni nege shal deısiń, 80-ge kelsem de jaspyn dep qarııa bolǵysy kelmeıdi. Osy másele meni kóp oılandyryp, tolǵandyrady", deıdi Bekjan Turys. Onyń aıtýynsha, shal, aqsaqal, qarııa degen sózderdiń árqaısysy maǵynasy jaǵynan bólek uǵymdar. Halyq shal-shaýqan dep aýyl ishindegi, aqsaqal dep aýyl-aımaqtyq deńgeıdegi, al qarııa dep abyzdyq tulǵadaǵy adamdy aıtady. Qazyna bop qartaıý bar da, qazymyr bop qartaıý bar. Keıde qazymyr qarttarymyz kóp pe dep qalam, deıdi júrek syryn aqtarǵan óner sheberi.
