Shiderti lımandy sýarý júıesinde 500 metrden astam bóget nyǵaıtyldy

PAVLODAR. KAZINFORM — Mamandar bul jumystar aldaǵy kóktemde gıdrotehnıkalyq qurylystardyń senimdiligin arttyrýǵa jáne arnalardyń ótkizý qabiletin qalpyna keltirýge baǵyttalǵanyn aıtady. 

Pavlodar oblysynyń Shiderti lımandy sýarý júıesinde 500 metrden astam bóget nyǵaıtylǵan.

— Gıdrotehnıkalyq qurylystardyń úzdiksiz jumysyn qamtamasyz etý jáne sýarý júıesin kelesi vegetatsııalyq kezeńge daıyndaý maqsatynda Shiderti lımandy sýarý júıesinde aǵymdaǵy jóndeý jumystary júrgizilip jatyr. Atalǵan jumys gıdrotehnıkalyq qurylystardyń senimdiligin arttyrýǵa jáne arnalardyń ótkizý qabiletin qalpyna keltirýge baǵyttalǵan. Bul aldaǵy aýyl sharýashylyǵy maýsymdarynda sýarý júıesiniń tıimdi paıdalanylýyn qamtamasyz etedi, — dep habarlady «Qazsýshar» RMK Pavlodar oblystyq fılıalynan.

Sondaı-aq kásiporyn qyzmetkerleri eki aı ishinde uzyndyǵy 1200 metr sý shyǵarý qurylysyn tazartqan.

Eske sala keteıik, Bıyl Aqkól-Jaıylma lımandaryna 115 mln tekshe metr sý jiberilgen.