Shiderti kóltabandar júıesinde 16 sý shyǵarý qurylysy tazartylady
PAVLODAR. KAZINFORM — Pavlodar oblysy Shiderti kóltabandar júıesindegi gıdrotehnıkalyq qurylystardy jóndeý júrip jatyr. Shiderti kanalynyń sý shyǵarý júıelerin tazartý kózdelgen.
«Qazsýshar» RMK-nyń Shiderti óndiristik ýchaskesi gıdrotehnıkalyq qurylystarda aǵymdaǵy jóndeý jumystaryn bastady.
— Sý ótkizgish kanalda birqatar bógetterdi turǵyzý jáne kóterý jumystary júrgizilip jatyr. Bul rette 19 440 tekshe metr topyraq qazylyp, olardyń eńisterin 322 tekshe metr být tastarymen bekitý qarastyrylǵan. Uzyndyǵy 900 metr bolatyn arnany mehanıkalandyrylǵan tazartý jumystary bastaldy. Sonymen qatar 16 sý shyǵarý qurylystaryn tazartý kózdelip otyr, munda 413 tekshe metr topyraq qazylady, — dep habarlady kásiporynnyń óńirlik fılıalynan.
Bıyl Shiderti magıstraldik kanalynda uzyndyǵy eki shaqyrymnan asatyn eki gıdrotehnıkalyq nysanda arnany mehanıkalandyrylǵan tazartý jumystary júrgiziledi. Sondaı-aq úsh bógetti turǵyzý jáne kóterý jumystary atqarylyp, jalpy kólemi 4091 tekshe metr topyraq qazylady.
Buǵan deıin Sátbaev kanalynan jiberilgen sý Pavlodardaǵy shabyndyqtardyń ónimdiligin arttyrǵany týraly jazǵanbyz.