Shaıtanǵa laqtyrylǵan tastar qaıda ketedi
ASTANA. QazAqpart «Ál-Jazıra» telearnasy Mekke qalasynda qajylyq kezinde ótetin jamarat rásimi týraly arnaıy sıýjet kórsetti.
Kópshiliktiń kókeıinde jamarat qabyrǵasynda shaıtanǵa laqtyrylǵan tastar qaıda ketetini týraly saýal týyndaıdy, dep jazady muslim.kz.
Jamarat kópiri birneshe qabattan turady. Túsirý toby jer betinen 15 metr tómende ornalasqan tastar jıylatyn úńgirge túsip, ondaǵy tastardyń jıylý, suryptalý sátine kýá boldy.
Shaıtanǵa laqtyrylǵan júz mıllıondaǵan tastar ártúrli ólshemdegi qubyrlar arqyly alyp býnkerge jınalady. Tastar avtomatty túrde suryptalady. Kollektorly qubyr tastardy qaıta joǵary kóterip, júk kólikterine tıeýge arnalǵan elektr esigimen jáne transportermen qamtamasyz etilgen. Al tas tıelgen kólikter qaladan tysqary qoqys aımaǵyna jóneltiledi.
«Ál-Jazıra» tilshisiniń aıtýynsha, úlken qajylyq rásimderi aıaqtalǵannan keıin jerasty býnkerinde shamamen 1 000 tonna tas jınalady.
