Sháınek ishine geroın jasyrǵan rýdnyılyq qamaýǵa alyndy
QOSTANAI. QazAqparat - Tártip saqshylary jedel-iz kesý sharalary barysynda úıinde esirtki saqtaǵan Rýdnyı qalasynyń turǵynyn ustady, dep habarlaıdy QazAqparat oblystyq ІІD esirtkige qarsy kúres basqarmasynyń qyzmetkeri Lev Krasıenkoǵa silteme jasap.
Polıtseıler Rýdnyı qalasynda júrgizilgen jedel-iz kesý sharalary kezinde 20 jyl boıy esirtki tutynyp kelgen azamatty ustady.
«Qala turǵyny esirtki zatyn úıindegi shkafta jasyrǵan. Tekserý sharalary kezinde shkaf túbinen sháınek tabyldy. Sháınek ishinde polımermen qaptalǵan eki túıinshek bolǵan. Saraptama taǵaıyndalyp, jalpy salmaǵy 3,77 gramm geroın tárkilendi», - dep habarlady L.Krasıenko.
Belgili bolǵandaı, 45 jastaǵy rýdnyılyq osyǵan deıin túrli qylmystar jasap, birneshe ret sottalǵan.
Foto: r-storona.ru
