Shaıdy eń kóp ishetin eldi bilgińiz kele me?
ASTANA. QazAqparat - Sońǵy statıstıkalyq málimetter boıynsha adam basyna shaqqanda shaıdy eń kóp ishetin Túrkııa bolyp shyqty. Odan keıingi orynǵa Irlandııa men Ulybrıtanııa jaıǵasty.
Túrkııada sýsynnyń osy túrin aıryqsha jaqsy kóredi, sondyqtan da jylyna bir adamǵa 3,1 keli shaı tıesili eken. Irlandııada bir adam jylyna 2,1 kelini, al Ulybrıtanııada - 1,9 kelini paıdalanady.
Tórtinshi orynda Reseı ornalasqan eken. Bul statıstıkanyń tizimindegi sońǵy oryndarda shaı sýsyny asa tanymal emes elder jaıǵasqan: Taıland, Fılıppın, Grekııa, Venesýela, Perý, Kolýmbııa, Brazılııa jáne Meksıka.
Degenmen de jalpy kólemde shaıdy eń kóp paıdalanatyn qytaılyqtar bolyp shyqty, QHR turǵyndary jylyna 720 mln. kelini tutynady eken, dep jazady Rosbalt.
