Shaıdorov Qytaıdaǵy Gran-prı kezeńiniń qysqa baǵdarlamasynda 5-oryn aldy
ASTANA. KAZINFORM — Mánerlep syrǵanaýdan Olımpıada chempıony Mıhaıl Shaıdorov Qytaıdyń Shenchjen qalasynda ótip jatqan 2026/27 jylǵy maýsymdaǵy Gran-prı serııasynyń úshinshi kezeńinde qysqa baǵdarlamasyn oryndady.
Qazaqstandyq sportshy tóreshilerdiń sheshimimen 94,87 upaı enshilep, 12 qatysýshynyń arasynda besinshi orynǵa turaqtady.
Japonııa ókili Kao Mıýra 102,90 upaımen kósh bastady. Ekinshi oryndy onyń otandasy Shýn Sato (101,97) ıelense, beıtarap tý astynda óner kórsetken reseılik Evgenıı Semenenko 99,72 upaımen úzdik úshtikti túıindedi.
Erkin baǵdarlama 8 qarashada ótedi.
