Shaıdorov Bratıslavada ótetin Challenger serııasynyń týrnırinde óner kórsetedi
ASTANA. KAZINFORM — Qazaqstandyq mánerlep syrǵanaýshy, Olımpıada chempıony Mıhaıl Shaıdorov Slovakııanyń Bratıslava qalasynda ótetin Nepela Memorial halyqaralyq týrnırine qatysady.
Jarys 24-27 qyrkúıek aralyǵynda ótedi. Bul doda 2026/27 jylǵy maýsymdaǵy ISU Challenger Series serııasynyń kezeńderiniń biri.
Shaıdorov erler arasyndaǵy jekeleı synda óner kórsetedi. Aldyn ala jarııalanǵan qatysýshylar tizimine 29 sportshy engen.
Bratıslavadaǵy jarys Shaıdorov úshin jańa maýsymdaǵy alǵashqy halyqaralyq báseke bolmaq. Qazaqstandyq sportshy buǵan deıin 2026 jyly Mılan men Kortına-d’Ampetstsoda ótken qysqy Olımpıada oıyndarynda top jarǵan edi. Aqpan aıynda ol erler arasyndaǵy jekeleı synda qos baǵdarlama qorytyndysy boıynsha 291,58 upaı jınap, Olımpıada chempıony atandy.
Eske salaıyq, buǵan deıin Mıhaıl Shaıdorov mánerlep syrǵanaýdan álemniń úzdik úshtigine kirgenin jazǵan edik.
