Shaıbaly hokkeıden Prezıdent kýbogy tamyz aıynda ótkiziledi
NUR-SULTAN. QazAqparat - Elordada shaıbaly hokkeıden Qazaqstan Respýblıkasy Prezıdentiniń kýbogyna arnalǵan dástúrli týrnır ótkiziledi, dep habarlaıdy QazAqparat tilshisi.
Bul jóninde klýbtyń baspasóz qyzmeti málim etti.
Atalǵan týrnır 11 tamyzda bastalyp, 16 tamyzda máresine jetedi. Oıyndar «Barys arena» sport kesheninde bolady. Oǵan «Dınamo Rıga» (Latvııa) jáne «Kýnlýn Red Star» klýbtary qatysady dep kútilýde.
Komandalar eki aınalym boıynsha ózara synǵa túsedi.
Ázirge jankúıerlerdi oıynǵa kirgizý máselesi talqylanýda.
Atalǵan týrnırdiń oıyn kestesi:
11 tamyz. Sársenbi. 19:30 «Barys» - «Dınamo Rıga»
12 tamyz. Beısenbi. 19:30 «DınamoRıga « - «Kýnlýn Red Star»
13 tamyz. Juma. 19:30 «Kýnlýn Red Star» - «Barys»
14 tamyz. Senbi.. 17:30 «Dınamo» R - «Barys»
15 tamyz. Jeksenbi. 13:00 «Kýnlýn Red Star» - «Dınamo» R.
16 tamyz. Dúısenbi. 13:00 «Barys» - «Kýnlýn Red Star»
Esterińizge sala ketelik, atalǵan dúbirli doda 2010 jyldan beri turaqty túrde uıymdastyrylyp keledi. Týrnırde «Barys» 2010, 2011, 2013, 2015 jyldarda chempıon atandy.
Sondaı-aq, Reseıdiń SKA (Sankt-Peterbýrg), «Avangard» (Omby), «Metallýrg» (Novokýznetsk), «Neftehımık» (Nıjnekamsk) jáne «Amýr» (Habarovsk) klýbtary ár jyldarda jeńimpaz tuǵyrynan kórindi.
Byltyr elimizdegi karantınge baılanysty atalǵan týrnır ótkizilgen joq.
