Shaıbaly hokkeıden QR Prezıdentiniń kýbogyn «Barys» komandasy jeńip aldy
amyzdyń 14-i. QazAqparat /Rýslan Ǵabbasov/ - Astanada ótkizilgen shaıbaly hokkeıden halyqaralyq týrnırde QR Prezıdentiniń kýbogyn astanalyq «Barys» komandasy jeńip aldy. Prezıdent kýbogyn jeńimpaz komandaǵa QR Úkimet basshysy Kárim Másimov tabys etti.
Aıta keteıik, búgingi aqtyq saıysta «Barys» komandasy men Belarýstyń «Dınamo» (Mınsk) komandasy dodaǵa tústi. Oıynnyń úshinshi kezeńinde «Dınamo» komandasynyń shabýylshysy Aleksandr Kýlakov esep ashty. Osy kezeńiniń 14 mınýtynda «Barys» komandasynyń shabýylshysy Evgenıı Rymarev esepti teńestirdi. Kezdesýdiń negizgi ýaqytynda komandalar teń túskendikten, 5 mınýttik overtaım ótkizildi. Qos komanda da osy qosymsha ýaqytta esepti ózgerte almady. Osyǵan baılanysty komandalar qaqpaǵa býllıt shaıbasyn soǵatyn boldy. Osy synda «Barys» komandasy basym túsip, astanalyqtar qonaqtaryn 2:1 esebimen utty.
Budan buryn habarlanǵandaı, shaıbaly hokkeıden Qazaqstan Prezıdentiniń kýbogy jolyndaǵy týrnır tamyzdyń 10 kúni bastalǵan bolatyn. Atalǵan dodaǵa Reseı, Belarýs, Latvııa jáne Qazaqstan komandalary qatysty. Hokkeı jankúıerleri Qurylyqtyq hokkeı lıgasynda úlken bedelge ıe Máskeý oblysynyń «Atlant», Mınskiniń «Dınamo», Rıga qalasynyń «Dınamo» komandalarynyń, sondaı-aq otandyq «Barys» klýbynyń oıyndaryn tamashalady. Aqtyq saıystan soń úzdik shabýylshylardy, qorǵaýshylardy jáne jaqsy oıyn órnegin kórsete bilgen sportshylardy QR Týrızm jáne sport mınıstri Temirhan Dosmuhametov pen «Qazaqstan temir joly» kompanııasynyń basshysy Asqar Mamın marapattady.
