Shaıbaly hokkeıden QR Prezıdenti kýbogynyń bıylǵy júldegerleri anyqtaldy
NUR-SULTAN. QazAqparat - Shaıbaly hokkeıden Qazaqstan Prezıdenti kýbogynyń bıylǵy júldegerleri anyqtaldy, dep habarlaıdy QazAqparat tilshisi.
Bul úshinshi týrdaǵy «Neftehımık» (Nıjnekamsk) jáne «Avtomobılıst» (Ekaterınbýrg) kezdesýinen keıin belgili boldy. Nıjnekamsk klýby qarsylasyn 4:3 esebimen tize búktirdi. Nátıjesinde nebári 2 upaı jınaǵan olar týrnır kestesinde tórtinshi oryndy qanaǵat tutty.
Al «Avtomobılıst» 3 upaımen ázirge ekinshi orynda keledi.
Týrnır jeńimpazy búgin elordalyq «Barys» jáne «Metallýrg» (Magnıtogorsk) kezdesýinen keıin belgili bolady. Oıyn «Qazsport» telearnasynan tikeleı efırde kórsetiledi.
Qazirge deıin «Barys» eki oıyn ótkizdi. Aldymen «Avtomobılıstke» 3:4 esebimen jol berip, odan keıin «Neftehımıkti» 3:0 esebimen tize búktirdi.
Al eki márte jeńiske jetken «Metallýrg» 4 upaımen kósh basynda tur.
Atalǵan týrnır 2010 jyldan beri turaqty ótkizilip keledi.
