Shaıbaly hokkeıden QR kýbogyn qaı komanda utatyndyǵyn dál tapqan tilshige baǵaly syılyq beriledi
ASTANA. 19 tamyz. QazAqparat - Shaıbaly hokkeıden erler komandalary 19-28 tamyz kúnderi Astanada Qazaqstan Respýblıkasynyń kezekti toǵyzynshy kýbogyn sarapqa salady.
Bul týraly QR Shaıbaly hokkeı federatsııasynan habarlady.
10 klýb, atap aıtqanda, «Arystan» (Temirtaý qalasy), «Almaty» (Almaty q.), «Arlan» (Kókshetaý q.), «Astana» (Astana q.), «Barys» (Astana q.), «Beıbarys» (Atyraý q.), «Gornıak» (Rýdnyı q.), «Ertis-Pavlodar» (Pavlodar q.), «Kaztsınk-Torpedo» (Óskemen q.) jáne «Saryarqa» (Qaraǵandy q.) hokkeı klýbtary týrnırge qatysatyndyǵyn qýattady.
Federatsııanyń habardar etýinshe, BAQ ókilderin elimizdiń eń úzdik komandalarynyń oıynyn tamashalaýmen qatar ózderinde oıynshy retinde synaýǵa múmkindik bar. ıAǵnı, jýrnalıster arasynda ústel hokkeıinen týrnır ótedi. Týrnır jeńimpazdaryna syılyqtar men estelik dıplom tabys etiledi.
Sonymen qatar 2011 jyldyń Kýbogyn qaı komanda jeńip alatyndyǵyn jáne 2-3 oryndardy kimder ıelenetindigin dál tapqan bastapqy úsh tilshi de baǵaly syılyqtarǵa ıe bolady.
Aıta keteıik, jalpy 2011-shi jylǵy Kýboktyń ashylý saltanaty 20 tamyz kúni «Barys» sport kesheninde «Kaztsınk-Torpedo» - «Astana» komandalary kezdesýiniń aldynda ótedi.
