Shaıbaly hokkeıden Qazaqstannyń qyzdar quramasy Azıada chempıony atandy, qorjynymyzda 18 altyn medal bar
ALMATY. 3 aqpan. QazAqparat /Erbol Turymbetov/ - Shaıbaly hokkeıden Qazaqstannnyń qyzdar quramasy 7-Qysqy Azııa oıyndarynyń chempıony atandy. Sóıtip Qazaqstannyń qorjynyna 18-altyn medal tústi. .
Búgin Almatydaǵy Balýan Sholaq atyndaǵy sport saraıynda ótken sońǵy oıynynda bizdiń komanda Qytaı quramasyn 4:1 esebimen jeńdi. Bul oıynda Elena Shtelmaıster 2 márte mergendigimen kózge tússe, Zarına Tohtıeva men Lıýbov Ibragımova bir-bir goldan soqty. Osylaısha shaıbaly hokkeıden Qazaqstannyń qyzdar quramasy úshinshi márte Aq Azıadanyń chempıony atanyp otyr. 7-Qysqy Azııa oıyndary aıasynda buǵan deıingi oıyndarynda bizdiń hokkeıshi qyzdarymyz japonııalyqtardy 3:2 (býllıtten), ońtústik koreıalyqtardy 11:0 jáne soltústik koreıalyqtardy 3:0 esepterimen utqan bolatyn.
Azıada qorytyndysy boıynsha, shaıbaly hokkeıden kúmis júldeni Japonııa quramasy utyp aldy. Qola Qytaı quramasyna buıyrdy.
Qazirgi tańda Qazaqstan quramasynyń qorjynynda 18 altyn, 17 kúmis, 12 qola medal bar. Ekinshi orynda kele jatqan Ońtústik Koreıa quramasy 10 altyn 6 kúmis, 8 qola medaldi enshilep úlgerdi. 8 altyn, 14 kúmis, 11 qola júldesi bar Japonııa quramasy úshinshi orynda tur. Tórtinshi oryndaǵy Qytaı quramasynyń qorjynyna 8 altyn, 6 kúmis, 8 qola medal tústi. Iranda 2 qola, Mońǵolııada 2 qola medal bar. Bular tıisinshe besinshi jáne altynshy oryndardy kele jatyr.
